راديو مباشر .. نصائح الخبراء للمستثمرين وتحليل للاداء السوق خلال جلسة اليوم

نرحب اليوم في راديو مباشر بالأستاذ عيسى فتحي رئيس مجلس الإدارة والعضو المنتدب بالمجموعة الإستراتيجية لتداول الأوراق المالية
- أهلا بحضرتك أستاذ عيسى
- أهلا بيك.
- أستاذ عيسى شهد الأسواق العربية اليوم ومن بينها السوق المصرية تراجع متزامن ومماثل لتراجع البورصات العالمية أغلق اليوم السوق المصري منخفض عند المستوى 9639 نقطه تحليل حضرتك إيه لتعاملات السوق المصري خلال جلسة اليوم؟
- يعني هو بداية نقدر نقول إن الارتباط الموجود مع الأسواق العالمية والبورصات الناشئة ده يعتبر إحدى نتائج العولمة الواضحة جدا بحيث نظرا لوجود متعاملين أجانب مع محليين هو اللى بقى بينقلي دالوقت لكل البورصات الناشئة الأعراض والأمراض اللى بتحصل في الاقتصاد العالمي وإن كان طبعا في فروقات كبيرة في الاقتصاديات دية عن الاقتصادي الأمريكي الاقتصاد الامريكي آه بيمر ببعض الأعراض بتراجع في نمو الاقتصاد أو بداية دخول نفق ركود أو خلافه لكن الوضع ده مش موجود عند لا في مصر ولا حتى في منطقة الخليج لكن نقدر نقول إن اللون الأحمر غطى حوالي 43 بورصه النهارده أغلق سواء عالمية أو محلية وكان ضمنهم طبعا البورصة المصرية اللى لليوم الخامس على التوالي في هبوط وكان نسبة الثلاثة أيام الاخيرة هي الاكثر دموية أو الاكثر احمرارا في البورصة المصرية طبعا هو في عملية زعر وخوف خرجت عند دائرة التصحيح أو جني الأرباح لأن مفيش أرباح أصلا هي الفكره كلها إن كل واحد يريد أن ينجو بنفسه عندما اشتدت العواصف وفاكر إن هو بينط في الميه كده هاينجو مش واخد باله ان ممكن يغرق فبالتالي فهي عمليات بيع عشوائي مبنية على ذعر وخوف خشية إن الأمور تسوء عن ذلك وطبيعي إن اللى بيخاف من العفريت بيطلع له ده بي بيع وده بيبيع والبيع العشوائي كان السبب الرئيسي في اللى إحنا شوفناه النهارده وإن كانت الجلسة خدت شكلين الشكل الأولاني في أول الجلسة نزلنا حوالي 5.4% يمكن على نهاية الجلسة تقلصت الخسائر إلى 3.26%وده مؤشر جيد علاوة على إن الأجانب النهارده وإن كانت تعاملاتهم بتسجل صافي بيع بحوالي 134 مليون جنيه لكن في الحقيقة نسبة مشترياتهم جيده جدا بالمقارنة بالأيام اللى فاتت وصلت يمكن 24% النهارده وانا كنت دائما بقول طالما الاجانب بيشتروا بغض النظر عن فروق البيع من الشراء ده في حد ذاته شيء مطمئن يعني ما يعنيش عملية خروج زي ما كنا بنشوفها في السنوات اللى فاتت خاصة إن الأجانب زي ما إحنا عارفين السنة اللى فاتت كان هم الاكثر شراء بفارق بأكثر من 15 مليار جنيه عن مبيعاتهم في العام الماضي وبالتالي انا بعتبرهم بقوا أصحاب سوق أكثر من كونهم ضيوف أو عصافير بطير على أشجار البورصة.
- طيب حضرتك بتتوقع أداء المؤشر كاس 30 يمكن يكون ازاي خلال جلسة الغد ؟
- بص هو دالوقت بدل في عملية ارتباط احنا النهارده شوفنا البورصات الأوربية في النصف الثاني من الجلسة بدأت تتحسن وتتعافى عن الوضع اللى بدأت بيه تقريبا النهارده أو اليومين اللى فاتوا يمكن النهارده الرهان هو على البورصة الأمريكية إلى ما يكون فيها تحركات أعتقد إن ده هايدي أشارات كويسه للسوق خاصة إن البورصة الأمريكية هي مصدر الرياح دية كلها اعتقد إن الرهان دالوقت على البورصة الأمريكية اللى هاتفتح بعد قليل أو يمكن فتحت دالوقت هو ده اللى هيحدد شكل اتجاه البورصات الأخرى في اليابان أو في أوربا أو حتى في البورصات الناشئة لكن هي كنصحية للمستثمرين لما نشوف بيع عشوائي بكل قوة خش اشتري لأن هي دي الأوقات اللى بتتحقق فيها الأرباح الرأسمالية.
- طيب ارتداد المؤشر أستاذ عيسى خلال النصف الثاني من جلسة اليوم هل يعتبر مؤشر إيجابي خلال الفترة القادمة ؟
- هو ده طبيعي يبين إن الزعر اللى كانت عليه بداية الجلسة بدأ يحصل نوع من التروي بعد كده يمكن اتصور إن اللى باعو الصبح برخيص اشتروا بعد كده بغالي علشان كده بقول إن البيع العشوائي ده المفروض نتريث أمامه لأن لو كل واحد مسك أسهمه في إيده خاصة إن أحنا النهارده وصل إلى ما كان عليه 22-11تقريبي ساعتها كان البورصه بما يعني كفايه اللى وقعنا منه عند 11 ألف وشويه يوم الأحد قبل الماضي أو الاثنين قبل الماضي بتصور ان احنا قدمنا 1500 نقطه يمكن للمؤشر أن يحقق بها ارباح كبيرة في عديد من الأسهم.
- طيب تفسير حضرتك ايه لخروج الاجانب من السوق بصورة كبيرة في حين شهدت المؤسسات نشاط ملحوظ والمصريين والعرب ما زالوا في حالة شرائية؟
- هو بص إحنا في المؤسسات عندنا مؤسسات محلية ومؤسسات أجنبية الاجانب اللى عندنا أغلبهم بيع مؤسسي ما فيش بيع فردي فعلشان كده النهارده بنلاقي إن المؤسسات عندنا حوالي 39.2% شاريين بـ33 وبايعين بـ45وده بسبب بيع الأجانب يعني هو بيع الأجانب هو اللى رافع نسبة المؤسسات في البيع بالشكل اللى احنا شوفناه النهارده حتت الأجانب باعوا لازم نلتمس ليه العذر في موضوع بورصاتهم الموجوده هناك حيث هناك بيحققوا خسائر كبيرة جدا لو قارنا عمليات شراه اللى فاتت هانلاقي حتى بأسعار النهارده وأسعارالامس هو لازال يحقق أرباح وبما ان هو مؤسسات بيركز على موضوع الأرباح المحققه اكثر من تركيزه على موضوع الارباح الدفترية فهو النهارده لما يتيجي تبص ليه باع OCI من كان يوم 5واشتراها النهارده بكام النهارده اشتراها بقل من اللى باعوا هو دالوقت الآن ممكن يعمل لها Rebound جديد وإعادة تراجع تاني جديد من ترجع منها للأسعار للى كانت وقعت منها قبل كده ويبقى كده كسب مرتين كسب لما باع مبكرا وكسب لما اشترا عند هذه الأسعار .
- على كده استاذ عيسى تحليل حضرتك إيه للاسهم القيادية النهارده؟
- والله هي الاسهم القيادة زي ما حصل في الايام اللى فاتت هي اللى بتاخد السوق في اتجاهها او زي ما احنا عارفين الأسهم القيادية عندنا تقريبا 6 أو7 أسهم طبعا النهارده وخصوصا أوارسكوم للصناعة يمكن هي خدت السوق لتحت وبعد كده هي اللى قلصت جزء كبير من الخسائره.
- طيب في نهاية حوارنا حضرتك أستاذ عيسى تنصح المستثمرين بإيه النهارده وبكره هو النهارده خلاص انتهى يعني أيا كان اللى عملوه النهارده اللى حصل حصل لكن بنقول لهم في البيع نتريث حتى لو إحنا عايزين نعمل حركات ممكن نعمل تبادل ما بين أسهم غير جيده لأن الفترة اللى جيه دية خصوصا بعد ما هاينقشع هذا الدخان هانقعد نبص دالوقت احنا مالنا ومالهم هانلاقي عندنا اقتصاد افضل من عنده ومعدلات نمو أو كده هو عندنا أزمات اقتصادية خاصة برهن العقاري انا ما عنديش هذا الكلام ففي تدفقات استثمارية في معدلات نمو لسه منتظرين كمان نتائج أعمال السنة ككل بالنسبة لكل الشركات اللى هاتبدي تظهر مع نهاية هذا الشهر أو بداية الشهر اللى جي.
- طيب توقع حضرتك للمدى الزمني اللى ممكن تنتهي عنده هذه المرحلة اللى بنعشها دالوقت؟
- النهارده النزيف توقف ونبتدي نعمل Rebound في الساعات اللى جيه أو الأيام اللى جيه.
- شكرا جزيلا لحضرتك أستاذ/ عيسى فتحي رئيس مجلس الإدارة والعضو المنتدب بالمجموعة الاستراتيجية لتداول الأوراق المالية لتعليقك على أداء السوق المصري في جلسة اليوم
- انا للى بشكرك